ÜMUMİ QAYDALAR.

1. Battle – URBAN Session – 5-də iştirak etmək istəyən hər bir kəs bu İştiraketmə ərizə formunu doldurmalıdır. İştirakçı/lar bu ərizə formunu doldurmaqla və uduş fondu üçün təyin edilmiş iştiraketmə haqqını ödəməklə yarışda iştirak etməyi öz öhdəsinə götürür və buna görə URBAN Session – 5-də iştirak etmək haqqını qazanır və bu yarışın bütün qayda və qanunlarına riayət edilib edilməməsinə görə məsuliyyət daşıyır.Yuxarıda göstərilən 2 yarış kateqoriyasından birində iştirak etmək haqqı hər biri üçün ayrı-ayrılıqda #2,0 AZN təşkil edir. Yəni: 3х3 – #2,0 AZN (hər iştirakçı üçün), Electric Boogie, Top-rock, Popping, King-Tuts - #2,0 AZN.
[İştirakçıların iştiraketmə haqqı kimi ödədikləri məbləğin tam yarısı uduş fonduna, 2-ci yarısı isə təşkilatı xərclərə xərclənəcəkdir.]

2. Təşkilatçılar verilmiş ərizəni qəbul edə və ya etməyə bilərlər. Buna səbəb yerlərin azlığı və s. səbəblər ola bilər. Belə ki, 3х3 –8-16 cüt Electric Boogie, Top-rock, Popping, Footwork – sərbəst sayda yer ayrılmışdır. Ərizə qəbul edilmədiyi halda iştirak haqqı alınmır. Lakin iştirakçının ərizəsi qəbul olunduqdan sonra hər hansı bir üzürlü səbəb olmadan yarışda iştiraketməkdən imtina edildiyi halda iştirakçının iştiraketmə haqqı kimi ödədiyi məbləğ geri ödənilmir. Ərizə formaları və iştirak haqqı yarışdan bir neçə gün əvvəl xəbərdarlıq edilərək toplanacaqdır.

3. İştirakçılar bu ərizə formunun bir surətini printerdən çıxartmalı, doldurmalı və yarış günü özü ilə gətirməlidir. Aşağıda göstərilmiş e-meyllara isə yarışda iştirak etmə haqqında xəbərdarlıq və əlaqə nömrələrini göndərməlisiniz.

4. 3х3 – 3 nəfərdən ibarət komandaların yarışı. Hər komandanın ayrı-ayrılıqda hər bir üzvünə 2 çıxış haqqı verilir. Sinxron çıxış sərbəstdir lakin bu komandanın 1 çıxış hüququnu əlindən alır. Bu zaman çıxışı azalan iştirakçı komandanın öz qərarı ilə seçilir, yəni hər birinin 2 çıxışı olan iştiraçının biri öz 1 çıxışını komandanın 1 sinxronu ilə əvəz edə bilər. Ümumilikdə hər komandadan 6 çıxış. Çıxışlar tamamlandıqdan sonra Batl dayandırılır. Bu yarışda iştirak etmə haqqı komandanın hər bir iştirakçısı üçün #2,0 AZN, Komanda üçün #6,0 AZN təşkil edir.

5. Electric Boogie, Top-rock, Popping, King-Tuts – 2 hissədən ibarətdir. 1-ci hissədə iştirakçılar Dj-in qoyduğu mahnı ilə oynamalıdırlar. Hakimlərin seçiminə əsasən növbəti hissəyə keçmiş 8 və ya 4 iştirakçı arasında 1x1 batl olacaqdır. Hər bir iştirakçının 2 çıxış haqqı var. Sonda 1-ci və 3-cü yerlər üzrə batl keçiriləcəkdir. Yarış zamanı iştirakçı Yuxarı Breykinqin istənilən növü üzrə çıxış edə bilər və bunları həm qarışdıra, həm də ayrı-ayrılıqda oynaya bilər. İştirak etmə haqqı hər bir iştirakçı üçün #2,0 AZN təşkil edir.

6. Hakimlər – Bundan öncəki yarışları nəzərə alaraq hakimlərin sayı, səs vermə və qalib komanda və ya iştirakçı seçimi qaydaları dəyişdirilmişdir. Urban Session 5 də:
Hakimlərin sayı, 3х3 – 3 hakim, Electric Boogie, Top-rock, Popping, King-Tuts – 3 hakim.
Səs vermə, Hər bir hakim batl dayandırıldıqdan sonra QALİB saydığı iştirakçı və ya komandanın adını hər kəsin görə biləcəyi şəkildə yazaraq, hər bir kəsə açıq şəkildə göstərəcəkdir.
Hakimlərin qərarları onların öz şəxsi, subyektiv fikridir və URBAN SESSİON-nın təşkilatçıları buna görə heç bir məsuliyyət daşımırlar.

7. E-mail:
webmaster@azbboy.zzn.com , azbboys@azbboys.com , Fuad_guseynov86@mail.ru

Diqqət!!! Ərizə formasını yuxarıda gördüyünüz bütün e-meyllərə göndərin. Bununla siz onun itmə şansını azaladarsınız. Bunun üçün yuxarıdakı meylləri olduğu kimi kopyalayıb adress yerinə qoyun.

You can take my life, but you can't take hiphop away from me